Жамбыл облысында қырғыз бизнесменін ұрлап кеткен

Sputnik. Қазақстан полициясы Қырғызстан азаматын босатып алу бойынша арнайы операция жүргізді.
ІІМ мәліметіне сүйенсек, қырғыз кәсіпкерін Алматының үш тұрғыны ұрлап кеткен.

«17 сәуірде түнде Алматы – Тараз тас жолында күдіктілер көлікті тоқтатып, полиция қызметкерлеріміз деп өздерін таныстырған, кейін жолаушыны ұрлап әкеткен», — деп хабарлайды Қазақстанның Ішкі істер министрлігі баспасөз қызметі.

Ұрланған азамат Қырғызстаннан келген бизнесмен екен. Ұсталғандар қамауға алынды.