Мемлекет басшысы Нұрсұлтан Назарбаев барша проваслав христиандарын рождество мейрамымен құттықтады. Елбасы бұл жарқын мереке гуманизмнің, рақымдылықтың, мейірімділіктің, жақынына деген сүйіспеншілік пен қамқорлықтың мызғымас дәстүрі ретінде қазіргі заманның дәнекеріне айналғанын атап өтті. Қаңтар айының 6-нан 7-не қараған түні проваслав христиандары шіркеуде жиналып, мінажат етті. Бұл түнде рождество алдындағы ауыз бекіту аяқталып, дәстүрлі тағамдарға толы мерекелік дастархан жайылады. Елімізде проваслав христиандар халықтың 25 пайызға жуығын құрап, мұсылмандардан кейін екінші орында тұр.
