Елбасы «Бәйтерек» ҰБХ» АҚ басқармасының төрағасы Ерболат Досаевпен кездесті

«Бәйтерек» ұлттық басқарушы холдингі» акционерлік қоғамының активі 4 трлн 100 млрд теңгеден асып, таза табысы 30 млрд теңгені құрады. Президент Нұрсұлтан Назарбаевтың қабылдауында болған басқарманың төрағасы Ерболат Досаев осылай деді. Кездесу барысында Мемлекет басшысына холдингтің 2016 жылғы қызметінің қорытындысы жөніндегі есебі және одан әрі даму жоспары ұсынылды.

«Бәйтеректі құрған кездегі мақсат ұзақ уақытқа кредит беретін мемлекеттің банкісі болсын деп құрдық. Үлкен-үлкен проектілерді іске асыру үшін Қазақстанға керек, елге керек. Басқа банктардың орнына жұмыс істемейтін өз алдына жұмыс істейтін организация», - деді Қазақстан Республикасының Президенті Нұрсұлтан НАЗАРБАЕВ.