Еліміз әскери-әуе күштері жаңа тікұшақтармен толықты

Қазақстан әскери-әуе күштері жаңа тікұшақтармен толықты. Бүгін, МИ-171Ш көлік-жауынгерлік тікұшақтарының кезекті партиясын күтіп алды. 

Тікұшақтар бұдан бұрын Қазақстандық тараппен "Ресей тікұшақтары" холдинг арасында жасалған келісім шартқа сәйкес келген. Әуе көліктері соңғы технологиялармен жабдықталған -50 мен +50 градуста қоддану мүмкіндігіне ие. Десанттық-көліктік тапсырмаларды орындаудан басқа, тікұшақтың аталмыш үлгісі құрлықтағы бөлімшелерді ұстап тұру, десантшыларды атыспен қолдау, жылжымалы және жылжымайтын нысаналарды жоюмен қатар, іздестіру-құтқару операцияларын жүргізу үшін арналған. Айта кетейік, бұл - тікұшақтардың екінші партиясы.  МИ-171Ш тікұшағының алғашқы легі 2015 жылдың желтоқсан айында келген болатын.