Қазақстанда ауыр қылмыспен айыпталған 130 адам қайта ақталды

Былтыр елімізде аса ауыр және ауыр қылмыс жасады, - деп үкім шығып, айыпталған 130 адам қайта ақталған. Бұл мәлімет Астанада өткен сот төрелігінің сапасын жетілдіру жөніндегі арнайы жиында белгілі болды. Жоғарғы Сот қабырғасында бас қосқан судьялар, прокуратура мен құқық қорғау орган өкілдері, адвокаттар мен халықаралық ұйым мүшелері елімізде негізсіз қылмыстық жауапкершілікке тарту фактілері азаймай тұр, - деді. Әсіресе, біздің Фемида өкілдері «іс қозғалса, демек, кінәлісің» деген алдамшы пікірден арыла алмай келеді,-дейді қатысушылар.

«Былтыр ғана 800-ден астам ақтау үкімдері шығарған, адамдар ақталған. Соның ішінде 130 адам мынау прокурор қатысатын істер бойынша ақталған. Ол аса ауыр, ауыр қылмыстар бойынша. Сондықтан бұл істер жүріп жатыр. Әрі қарай да жүреді», -деді ҚР Жоғарғы Сотының қылмыстық істер жөніндегі қадағалаушы сот алқасының төрағасы Абай РАХМЕТУЛИН.