100 жаңа оқулық: "Көпке ұмтылған жалғыз. Әлеуметтік психологияға кіріспе" Э.Аронсон

Эллиот Аронсонның «Көпке ұмтылған жалғыз. Әлеуметтік психологияға кіріспе» еңбегі «Жаңа гуманитарлық білім. Қазақ тіліндегі 100 жаңа оқулық» жобасы аясында таңдалған ең сәтті кітаптардың бірі.

Кітап — әлеуметтік психология ғылымының бізге беймәлім жаңа қырларын ашады. Оқулықтың алғысөзінде америкалық белгілі ғалым Э.Аронсон бұл еңбекке 1972 жылы тәуекел еткенін айтады. Шынында да, қолымызға тиген ағылшын тіліндегі 12-басылымына дейін «Көпке ұмтылған жалғыз» кітабы сан рет толықтырылып, өңделіп, ғылымның жаңа жетістіктерін түгелдей сіңіріп, уақытпен бірге дамып отырғаны аңғарылады. Демек, Аронсонның өзі ескерткендей, кітап қырық жылдан астам уақыт бойы авторды да, оқырмандарды да өсіріп келеді.