Қырғызстаннан арзан көлік әкеп берем деген алаяқ Алматыда қолға түсті

Қырғызстаннан арзан көлік әкеп берем деген алаяқ Алматыда қолға түсті. Жұртты жаңа, әрі арзан машинамен жарылқайтындығына сендірген суайт 33 мың АҚШ долларын қолды қылған. Елдегі көлік құнының қымбаттығын сәтті пайдаланған "жомарт жан" кедендік құжаттарды да қиналмай қолдарыңа тигіземіз депті. Алайда, Ракшеев есімді азаматтың арам ойы енді өзіне опық жегізіп, темір тордан бірақ шықты. 

Қылмыстық кодекстің 190-бабының 3-тармағы, яғни алаяқтықпен айыпталған жігіт осы уақытқа дейін 5 адамның қаржысын қалтасына басқан. Бірақ, полицейлер зардап шегушілердің саны әлі де өсуі мүмкін дейді.