Еліміздегі зейнеткер мен жұмыссыздар Сенат депутаты болуға құлықты. Орталық сайлау комиссиясы Парламент сенатына үміткерлер тізімін жариялады. Нәтижеге сәйкес, 28-сәуір мен 28-мамыр аралығында республика бойынша 89 үміткер халық қалаулысы болуға өз кандидатурасын ұсыныпты. Бір сенатордың орнына 5 үміткерден келеді. Биыл Астанада 9 адам өзін ұсынса, төрт үміткер Шығыс Қазақстан облысынан. Ресми мәлімет бойынша, сенаттыққа үміткерлердің орташа жасы 51 жасты құрап отыр. Ең жас кандидат 30 жаста, ал үлкені 68-ді еңсерген. Арасында инженер де, экономисте, педагог-заңгерлер де бар.
«Айта кетейік, сайлауға түсуге ниеттілердің арасында қазіргі сенаторлар да бар. Ұсынылған кандидаттардың арасында мәслихаттың 5 депутаты, коммерциялық құрылымдардан 35 қызметкер, мемлекеттік мекемелерден 13 және 23 мемлекеттік қызметкерлер мен қоғамдық ұйымдардан 7 өкіл бар. Осы жылдың сәуір айында Елбасы Нұрсұлтан Назарбаев Парламент Сенатын сайлауды 28 маусымда өткізуді айтқан болатын. Ал 31 маусым күні сенаторлардың конституциялық мерзімі аяқталады. Депутаттыққа үміткерлер үгіт насихат жұмысын 8 маусымнан 26 маусымға дейін жүргізеді. Кезекті сайлау жұмыстарына республикалық бюджеттен 92 миллион теңге қарастырылып отыр»,- деді ҚР ОСК төрағасы, Берік ИМАШЕВ.
