Павлодарда трамвайдың астында қалған оқушы қыздың жағдайы бір қалыпты

Павлодарда трамвайдың астында қалған екінші сынып оқушысы есін жиды. Қазір сегіз жастағы қыздың жағдайы бірқалыпты. Дәрігерлер оның өміріне ешқандай қауіп төніп тұрған жоқ деп отыр. Еске сала кетейік, Павлодарда жантүршігерлік жол апаты орын алып, апалы-сіңілі оқушылар трамвайдың астында қалған еді. Алған ауыр жарақаттан 10 жастағы қыз бала оқиға орнында тіл тартпай кеткен. Ал оның сіңілісі ауыр жағдайда облыстық балалар ауруханасына жеткізілген болатын.