Селфи жасамақ болған әйел Қаскелең өзеніне ағып кетті

Алматы облысындағы Қаскелең өзеніне 35 жастағы әйел ағып кетті, деп хабарлайды ҚазАқпарат.

Қайғылы оқиға кеше Қаскелең қаласындағы «Нұрлы тау» демалыс орнында болған. Республикалық жедел құтқару жасағының мамандары әйелдің денесін кешкі сағат 9-дан бастап іздеген.

«Үш сағаттан соң марқұмның денесі  құлаған жерінен қашық жерден табылды. Іздестіру жұмыстары күннің батуына байланысты біраз уақытқа созылды. Әйелдің денесі су астындағы қоқыс пен бұтақтарға оралып қалған», – деді РЖҚЖ құтқарушы медбикесі Екатерина Клочко.

Оқиға куәгерлерінің айтуынша, әйел тас үстіне шығып суретке түспек болғанда байқамай өзенге құлап кеткен.