Алматыда «барахолка» өртеніп жатыр

Алматы «барахолкасынан» тағы да өрт шықты. Тілсіз жау бүгін кешкі сағат 17.00 шамасында тұтанып, «Байсат» базарының сауда нүктелерін шарпыды.

Лаулап жанған жалын маңына ешкім жолай алмаған. Тек тауарларын қызғыштай қорғаған саудагерлер сан соғып қалды. Өрт сөндірушілер отты ауыздықтауға тез келген. 18 техника мен 60 адам жабылғанмен, базардың 90 шаршы метр аумағы өртеніп кетті.

Өрттің себебі қазірше белгісіз. Саудагерлерге келтірілген шығын да алдағы уақытта есептелетін болады. Бір анығы – бұл базарда халық тұтынатын тұрмыстық тауарлар сатылған.