Алматыда Асанәлі Әшімовтың атындағы оқу-шығармашылық дәрісханасы ашылды

Алматыда Асанәлі Әшімовтың атындағы оқу-шығармашылық дәрісханасы ашылды. Аталған орталық Темірбек Жүргенов атындағы Қазақ ұлттық өнер академиясының қабырғасында жұмыс істейді. Сахна саңлағы болашақ актерларға осында дәріс береді. Шағын кеңсе актердің 80 жасына орай ашылып отыр.  Сондай-ақ оқу-жаттығу орталықтың ашылуына бірнеше өнер майталмандары келді. Олар Асанәлі Әшімовты «абыз актер» деп атап, мерей тойымен құттықтады.

«Асанәлі Әшімовтың лабороториясы ашылды. Ол осында оқитын жастарға үлкен мектеп болмақ. Сол мектептің ашылуына қатысып тұрмыз. Асанәлі биыл 80-ге келгені ол өз алдына бір мереке», - деді Қазақстанның халық әртісі Есмұхан ОБАЕВ.

¤«Асанәлісіз театрды көз алдымызға елестету қиын. Қандай ұлы тұлғалар бар. Оның бәрін айтып жатпай-ақ. Шекспирден бастап, кешегі Нұрпейісовке дейінгі, Нұрпейісовтың желісімен жасалған спектакльдердің барлығында ең есте қалатын, ең басты тұлғаларды ойнады», - деді Қазақстан Республикасы Мемлекеттік сыйлығының иегері, жазушы-драматург Дулат ИСАБЕКОВ.