Алматы мектептерінде жаңа жылдық шарада оқушыларға сыйлық берілмейді

Алматының барлық мектептерінде жаңа жылдық шара кезінде оқушыларға сыйлық берілмейді. Мұны алматылық ата-аналар желтоқсан айының басында білген. Бірақ олар оқушылардың мейрам кезінде аяз атадан тарту  алғанын қалаған.

«Балаларымызға сыйлықты өзіміз сатып алып беруге дайынбыз. Біз неге сыйлық жасай алмаймыз?», - деді Күлімкөз ЦИБУЛЬСКАЯ.

Мәселенің мән-жайын анықтау үшін біздің тілшілеріміз қалалық білім басқармасына жолданған сауалхатқа жазбаша жауап берілді.  

«Барлық мектептерде жаңа жылдық шара ұйымдастырылатын болады. 20 желтоқсан - бастауыш сыныптарға арналған ертеңгіліктер мен ертегі қойылымдары қойылады; 21-22 желтоқсан - ортаңғы сынып оқушыларына арналған жаңа жылдық шара; 23 желтоқсан - жоғары сынып оқушыларына арналған жаңа жылдық кеш ұйымдастырылады. Мектеп қабырғасында сыйлықтар мен оны дайындау үшін ақша жинауға қатаң тыйым салынады. Ал, өткен жылы жаңа жылдық шараны дайындауға әр мектепке жергілікті қазынадан қаражат бөлінген болатын. Жаңа жылдық сыйлықтар тек әлеуметтік аз қамтылған отбасылардың балаларына беріледі», - делінген  Алматы қаласының Білім басқармасының хабарламасында.