Қазақстанның 5 қаласында ауа сапасы нашарлайды

Бейсенбі, 6 қыркүйек күні метеорологиялық жағдайлар еліміздің бес қаласында ауада ластаушы заттардың шоғырлануына ықпал етеді, деп хабарлайды ҚазАқпарат «Қазгидромет» РМК-ға сілтеме жасап.

Синоптиктердің ақпараты бойынша, Ақтөбе, Шымкент, Балқаш, Теміртау және Қарағанды қалаларында ауа сапасы нашарлайды.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.