Әуезов ауданында Жеңіс күніне орай әскери дала асханасы құрылды

Әуезов ауданында Жеңіс күніне орай әскери дала асханасы құрылды, деп хабарлайды Almaty.tv тілшісі.

Family Park саябағында жасалған іс-шарада қонақтар әскери шатыр астында қарақұмық ботқасынан дәм татты.

Ұйымдастырушылар сол заманғы батырлардың бастан кешкендерін суреттеу үшін осындай ерекше инсталляция құрған. Іс-шараға келген аудан әкімі ардагерлерді құттықтап, жылы лебізін білдірді. Жиынға соғыс ардагерлері мен қала тұрғындары қатысты.

«Жеңіске қатысқан ақсақалдарымыз, аталарымыз, әжелеріміздің әскери ботқа жеп, дәм таттты. Алматылықтар және әскери қызметкерлер мерекелік көңіл-күйді сезіндік дедік» – деді ҚР ҚМ Радиоэлектроника және байланыс әскери-инженерлік институты курсанттар асханасының бастығы Есен Әубәкіров.