Еліміздің көлік-логистикалық әлеуетін арттыру үшін белсенді жұмыс істеу қажет

Қазақстанды Еуразияның толыққанды көлік-логистикалық және транзиттік хабына айналдыру – алдымызда тұрған стратегиялық міндет. Осы міндетті іске асыру үшін Көлік министрлігі құрылды. Бұл туралы Президент Үкіметтің кеңйтілген отырысында айтты, деп хабарлайды Аlmaty.tv тілшісі Аkorda.kz-ке сілтеме жасап.

Оның айтуынша, министрлік  осы саладағы өзекті мәселелер бойынша шұғыл және тиімді шешімдер қабылдауы керек. 

"Нақты нәтиже күтемін. Биыл бірінші жартыжылдықта теміржол саласындағы өзекті мәселелерді шешу жолдарын қамтитын Бағдарламалық құжатты қабылдау қажет. Мәселе аз емес. Атап айтқанда, вагондарды жаңарту жұмысын тездету керек. Контейнерлердің тапшылығын жою қажет. 

Магистралды желілерді кеңейтуге қатысты барлық жобаларды жүзеге асыру қажет (2028 жылға қарай 1,3 мың шақырым). Жалпы теміржол саласын қарқынды түрде цифрландыру керек. Бұл қадам оның тиімділігі мен өнімділігін едәуір арттыруға, бюджет қаражатын үнемдеуге мүмкіндік береді", - Мемлекет басшысы.

Оқи отырыңыз: Қасым-Жомарт Тоқаев Қазақстандағы жолдардың жағдайын сынға алды