Алматының Алатау ауданында оқушы орындарының тапшылығын қысқарту мақсатында қала әкімінің тапсырмасы бойынша екі мектептің құрылысы жүргізілуде, ол 2024 жылдың соңына дейін аяқталады, деп хабарлайды Аlmaty.tv. Біріншісі - 550 орындық «Саялы-2» шағынауданында, екіншісі - 550 орындық «Зерделі» шағынауданында.
Айта кетерлігі, мектеп ғимараттары жоғары, орта және бастауыш сыныптарды оқытуға арналған бөлек оқу блоктарынан және жалпы аумақтардан тұрады. Жобада бірегей интерьер дизайны, спорт алаңдары, асханалар және т.б. қарастырылған.
Ғимараттардың техникалық жарақтандырылуы мен конфигурациясы оқу бағдарламасын дұрыс қабылдау үшін оңтайлы инсоляцияны қамтамасыз етуге және демалыс аймақтарын ұйымдастыруға мүмкіндік береді. Мобильділігі төмен топтар үшін жобада арнайы лифілер қарастырылған.
2024 жылдың 2 тоқсанында Алматыда мемлекеттік мектептерге үш қосалқы нысан салу жұмыстары аяқталады. Бұлар - қажет ішкі және сыртқы инфрақұрылымы бар толыққанды ғимараттар. Мысалы, №59 гимназияның оқу ғимараты 380 орынға есептелген, ал оның жанынан 750 орындық қосалқы нысан салынуда.
Сондай-ақ қалада 11 мектептің сейсмикалық жағдайы күшейтілуде. Бүгінде 9 мектеп бойынша жұмыстар аяқталды, қалған екеуін күшейту 2024 жылдың маусым айына дейін жоспарлануда.
Алматыда барлығы 215 мектеп жұмыс істейді, оның 30-ы Алатау ауданында орналасқан.
Оқи отырыңыз: Алматы қаласының ветеринарлық қызметінде автопарк жаңартылды
