Алматының тағы бір шағынауданы қалалық инженерлік желілермен толық қамтылады

Алматының Нижняя пятилетка ауданында жол жөндеу жұмыстары жүргізіліп, көшелер  тамыздың соңына дейін қалпына келтіріледі, деп хабарлайды Аlmaty.tv.

Жоба бойынша барлығы 67 көше қамтылған, олардың дені асфальтталған. Бұрын аталған шағын аудандағы үйлер орталық сумен жабдықтау және кәріз желілеріне қосылмаған.

Нижняя пятилетка тұрғындарын сумен жабдықтау және кәріз желілеріне қосу бойынша үш жылдық жоба 2021 жылы басталды. Қазір жұмыс жоспарына сәйкес 115,5 мың м су құбырынфң 100 мың м-ден астамы, ал 32 мың м кәріз желісінің 28 мың м-ге жуығы салынды.

Жұмысшылар Спасская, Хакасская көшелерінің және бірқатар аллеяға асфальт төсеуге дайындық жүргізіп жатыр. Құбырлар мен құдықтарды монтаждау Земнухов, Балқадиша, Шмидт, Свободная, Хакасская, Лермонтов, Тренев және Костромская көшелерінде жүргізіледі.

Жоба тамыздың соңында толық аяқталады деп жоспарланған. 

Осылайша, бүкіл шағынаудан орталық сумен және кәріз желілерімен толық қамтылады.

Айта кету керек, жобада абоненттерді сумен жабдықтау желілеріне қосу көзделген, ал кәріз желісіне қосу абоненттер есебінен жүзеге асырылады.

Алматы әкімі Ерболат Досаевтың тапсырмасымен биыл барлығы 142 км салу және 48 км сумен жабдықтау желілерін жаңғырту көзделген.

Оқи отырыңыз: Алматыда Жұмабаев пен Мақатаев көшелерінің қиылысында көлік қозғалысы шектеледі