|
22.05.2024 | 09:32
1388

Алматыда мәдениет және өнер саласының қызметкерлері марапатталды

Марапатталған мамандардың тізімі қалалық әкімдіктің сайтында жарияланған

Алматыда мәдениет және өнер саласының қызметкерлері марапатталды Алматы қалалық баспасөз қызметі

Алматыда Мәдениет және өнер қызметкерлері күніне орай салтанатты іс-шара өтті, деп хабарлайды Аlmaty.tv.

Суретшілер, дизайнерлер, музей мамандары, кітапханашылар, хореографтар, акробаттар, солистер және шығармашылық топтардың мүшелері мен әр түрлі жанрдағы артистер мәдениет және өнер саласының дамуына қосқан үлестері үшін марапаттарға ие болды.

40-қа жуық маман «Мәдениет саласының үздігі» төсбелгісімен, сондай-ақ Құрмет грамоталарымен, Алғыс хаттармен марапатталды.

- Сіздердің ел үшін жасап жүрген еңбектеріңіз ерекше құрметке ие. Мемлекетіміздің, оның ішінде Алматы қаласының мәдениеті мен өнерін дамытуға, халқымыздың бай мәдени мұрасын насихаттауға өлшеусіз үлес қосып, өздеріңізге жүктелген міндеттерді үлкен абыроймен атқарып келесіздер.Кәсіби мерекелеріңіз құтты болсын! Сіздерге зор алғыс айта отырып, алдағы уақытта да ұлттық мәдениетімізді әлемге танытуға бағытталған жаңа жарқцн жобаларды жүзеге асырасыздар деп кәміл сенемін, – деді марапаттау рәсімінде қала әкімінің орынбасары Бейбіт Шаханов.

Марапатталған мамандардың тізімі Алматы қаласы әкімдігінің сайтында жарияланған.

Оқи отырыңыз: Алматыда өнер майталмандары марапатталды

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир