Мегаполисте әл-Фараби даңғылының көлік қозғалысына өзгерту енгізілді

tengrinews.kz
tengrinews.kz
Жол жөндеу жұмыстарына байланысты
Жаңалықтармен бөлісіңіз

Жөндеу жұмыстарын жүргізу кезінде әл-Фараби даңғылы бойынша жол қозғалысы ұйымдастырылды, деп хабарлайды Almaty.tv.

Жол қозғалысының қауіпсіздігін қамтамасыз ету және әл-Фараби даңғылының бойында Сырғабеков көшесінен Есентай өзеніне дейін өткізу қабілетін арттыру үшін 12.07.2023 ж. бастап 13.07.2023 ж. дейін мынадай шаралар қабылданатын болады:

12.07.2023 ж. сағат 06:00-ден бастап әл-Фараби даңғылының солтүстік жағынан Сырғабеков көшесінен Есентай өзеніне дейін кері қозғалыс жолымен көлік құралдарын бұру ұйымдастырылады;

06:00 сағаттан бастап 15:00 сағатқа дейін шығыс бағытта екі жолақты қозғалыс, батыс бағытта бір жолақты қозғалыс ұйымдастырылады.

Сағат 15:00-ден бастап 21:00 сағатқа дейін - батыс бағытта екі жолақты, шығыс бағытта бір жолақты.

Тәуліктің кешкі уақытында сағат 21:00-ден бастап жол-көлік оқиғаларын болдырмау үшін Жароков көшесі бойынша көлікті солтүстік бағытта бұруды ұйымдастыра отырып, шығыс бағыттағы қозғалыс толығымен жабылатын болады:

Қозғалыс қатысушыларының қауіпсіздігін қамтамасыз ету үшін патрульдік 6 экипажы қарастырылған, 40 км/сағ. жылдамдықты шектеу белгілері орнатылады, жолақтар бойынша бөлу конустық шағылыстыратын чиптермен белгіленеді. Реверсив басталғанға дейін екі жағынан көлік ағындарын бөлетін металл турникетінің 25 данасы болады (100 м).

Әл-Фараби даңғылындағы Ремизовкадан шығу "Есентай-Молл" Оңтүстік тұрақ аймағы арқылы ұйымдастырылады. Жол қозғалысы қауіпсіздігін қамтамасыз ету үшін патрульдың полиция экипажы тұратын болады.

Новости партнеров