|
04.12.2023 | 09:44
2769

Алматы метрополитенінде қосымша құрам желіге шығарылды

Әрі қарай 4 станцияның құрылысы бойынша жұмыстар жүргізіліп жатыр

Алматы метрополитенінде қосымша құрам желіге шығарылды қала әкімдігінің баспасөз қызметі

Жолаушылар ағынын сараптау нәтижесінде Алматы метрополитенінде жылжымалы құрам саны артты, деп хабарлайды Almaty.tv.

Енді қарбалас уақытта желіде 11 құрам 5 минут 38 секунд жиілікпен қызмет көрсететін болады.

Оқу жылының басталысымен жолаушылар ағыны 70 мыңнан 90 мыңға дейін өсті. Талдау нәтижесінде жолаушылар саны күніне 100 мыңға дейін көбейгендігі ескеріліп, желіге қосымша құрам шығару туралы шешім қабылданды.

Әр құрам жалпы сыйымдылығы 900 адамнан асатын 4 вагоннан тұрады.  

Еске сала кетейік, Алматы метрополитені 2011 жылғы 1 желтоқсанда іске қосылды, қазіргі кезде 11 станция бар. Әрі қарай 4 станцияның құрылысы бойынша жұмыстар жүргізіліп жатыр.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир