Алматы метрополитені қалыпты жүйеде жұмыс істеп тұр

26 қаңтар таңғы уақытта Райымбек бекетінде ақпараттық байланыс желісінің жұмысында ақау табылуына байланысты метро пойыздары қолмен басқару жүйесіне ауыстырылды, деп хабарлайды Аlmaty.tv тілшісі "Алматы қ. Метрополитені" КМК баспасөз қызметіне сілтеме жасап. 

Осы орайда барлық бекеттерде  пойыздардың жүріс жиілігі уақытша ұзарды. Бұл метродағы жүру қауіпсіздігіне еш әсер еткен жоқ.

- Мамандар жұмыс жасап, көп ұзамай үйреншікті жиілік қайта қалпына келтірілді. Келтірілген қолайсыздықтар үшін кешірім өтінеміз, - деп таратты "Алматы қ. Метрополитені" КМК баспасөз қызметі. 

Оқи отырыңыз: Алматыда қар күреуге 458 бірлік техника мен 1224 жұмысшы жұмылдырылды