Алматыдағы Наурызбай ауданында 300 бейнебақылау камерасы орнатылады

Бұл туралы Алматы әкімі Ерболат Досаев Наурызбай ауданы халқымен кездесуінде мәлімдеді, деп хабарлайды Almaty.tv.

"Халықтың қауіпсіздігін қамтамасыз ету және аудан аумағын бейнебақылау камераларымен қамту мақсатында 300 камераны орнату жұмыстары басталды (148– аулада, 100– көшеде, 52– әлеуметтік объектіде). Бұл жұмыстар осы жылдың соңына дейін аяқталады", - деп мәлімдеді қала әкімі.

2023 жылдың I-тоқсанында 369 камераға есептелген қазіргі 36«Сергек» аппараттық-бағдарламалық кешеніне (21-желілік учаскелерде, 15 - көше қиылыстарында) қосымша 205 камераға есептелген 20 «Сергек» аппараттық-бағдарламалық кешені (19 – желілік учаскелерде, 1 – жол қиылысында) орнатылады.