Мегаполис көшелерінде сыртқы жарықтандыру құрылысы жүргізілуде

Наурызбай ауданының 44 көшесі қазанның соңына дейін сыртқы жарықпен қамтылады. Бұл туралы тұрғындармен кездесу барысында Алматы әкімі Ерболат Досаев мәлімдеді, деп хабарлайды Almaty.tv.

«Қауіпсіздікті қамтамасыз ету мақсатында Наурызбай ауданының 54 көшесінде сыртқы жарықтандыру құрылысы жүргізілуде. Бүгінгі таңда Тастыбұлақ және Таужолы ш/а-да 10 көше жарықтандырылған. Қалған 44 көше бойынша жұмыстар қазан айына дейін аяқталады», - деді қала басшысы.

Ерболат Досаев тұрғындарға электр желілерін жаңғырту бойынша жүйелі жұмыс жүргізіліп жатқанын айтты. Биыл Шұғыла, Ақжар, Таусамалы, Құрамыс, Рахат, Қарағайлы және Қалқаман шағынаудандарында 65 шақырым электр желілері мен 39 трансформаторлық қосалқы станция ауыстырылып, жөнделді. Бұл шаралар тұрақты электрмен жабдықтауды қамтамасыз етуге және апатты ажыратулар мәселесін шешуге бағытталған.

Еске салсақ, Алматыда ауқымды жұмыс аясында жыл сайын электрмен жабдықтау желілерінің тозуын 2027 жылы 1,2%-дан 59%-ға дейін төмендетіледі. Салыстыру үшін 2022 жылы тозу 65%-ды құрады.