|
01.03.2024 | 09:37
1863

2023 жылы Алматыда неше кемпинг-аймақ пен тау бағыты жабдықталды

Туристік инфрақұрылымды жақсарту және дамыту жөніндегі жұмыстар жалғасады

2023 жылы Алматыда неше кемпинг-аймақ пен тау бағыты жабдықталды Алматы әкімдігінің баспасөз қызметі

2023 жылы Алматыда туризм басқармасы туристік инфрақұрылымды абаттандыру бойынша жұмыс жүргізді. Бұл туралы Алматы қаласы туризм басқармасының басшысы Ғалия Тоқсейітова мәлімдеді, деп хабарлайды Аlmaty.tv. 

Атап айтқанда, «Ақбұлақ», «ҮАК» және «Мыңжылқы» 3 кемпинг-аймағы орнатылды, онда шатырлар, жайлы беседкалар, үстел-орындықтар, әткеншектер пайда болды. Сонымен қатар, ұзындығы 150 км болатын 12 тау бағыты абаттандырылды, онда ақпараттық стендтер, көрсеткіштер, демалуға арналған платформалар, көпірлер мен беседкалар орнатылды.

- Сонымен бірге, Алматы халықаралық әуежайының паспорттық бақылау аймағындағы кабиналарды жабдықтадық. Енді туристерді әлемге белгілі тоғыз тілде, соның ішінде қазақ, орыс, ағылшын, араб, қытай, француз, итальян, түрік және корей тілінде қарсы алады. Алматы қаласының әуежайында таксистердің заңсыз іс-әрекеттерінің жиілеуіне байланысты Алматы қаласының халықаралық әуежайының терминалдарында такси тарифтері көрсетілген ақпараттық стендтер ілінді, сонымен бірге кедендік бақылау аймағында шетелдік азаматтардың паспорттарына ақпараттық қосымша парақтар беру көзделген, - деді Ғалия Тоқсейітова.

Бұған қоса, қала қиылыстарында 54 ақпараттық тотем жаңартылды. Қала картасымен қоса, олар танымал туристік орындарға бағыттарды ұсынады. Сонымен қатар, былтыр виртуалды 3D турлар басталды. Енді visitalmaty.kz сайтындағы әлемнің кез келген жерінде пайдаланушыларға тегін аудио-бейне турлар қолжетімді.

- Өз кезегінде, біз қала тұрғындары мен қонақтарынан мәдениетті болуды, инфрақұрылым нысандарына аялап ұқыпты қарауды және вандализм фактілеріне жол бермеуді сұраймыз, - деді туризм басқармасының басшысы.

2024 жылы туристік инфрақұрылымды жақсарту және дамыту жөніндегі жұмыстар жалғасады, оның ішінде кемпинг-аймақтар орнатылып, тау жолдары абаттандырылады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир