Қоғамдық қауіпсіздік: Жетісу ауданында 597 бейнекамера орнатылады

Бұл туралы Алматы әкімі Ерболат Досаев Жетісу ауданы тұрғындарымен кездесуінде мәлімдеді, деп хабарлайды Almaty.tv.

Қоғамдық қауіпсіздікті қамтамасыз ету үшін жыл соңына дейін адамдар көп жиналатын орындарда (білім беру объектілерінде – 263, аулаларда – 130, парктер/скверлерде – 152, жол қиылыстарында – 52) 597 бейнекамера орнатылады.

Сондай-ақ әкім қолданыстағы 490 камераға есептелген 86 «Сергек» аппараттық-бағдарламалық кешеніне қосымша 2023 жылдың I-тоқсанында 399 камераға арналған 85«Сергек» кешені орнатылатынын айтып өтті.

"Барлық жұмыс аяқталғаннан кейін Жетісу ауданында камералардың санын 996 бірлікке дейін көбейтеміз", - деді мегаполис басшысы.