Қала тұрғынының сауалнамасы: алматылықтар қаланы дамытуға атсалыса алады

2022 жылдың шілдесінен бастап «Алматыбасжоспар» ғылыми-зерттеу институты зерттеу жүргізіп жатыр, оның деректері полиорталықтың бас жоспарына техникалық шарттарды дайындау үшін қажет. Бас жоспарды талқылау барысында көтерілген мәселелер мен сұрақтар, ұсыныстардың көпшілігі осы зерттеумен расталады. Қазіргі уақытта 11 мың сауалнама жиналды, 21 мыңға жеткізу жоспарланған, деп хабарлайды Almaty.tv.

Тұрғындар сауалнамасы – бұл қаланы дамытуға атсалысатын адамның тәжірибесіне тікелей жүгіну, оның қалай өмір сүретінін, жолда қанша уақыт өткізетінін, оны не мазалайтынын, не ұсынатынын, қаншалықты дайын екенін білуге мүмкіндік береді. Бұл гипотеза мен қалалық шешімдерді қалыптастыруға басқаша көзқарас.

Зерттеу – жобаларды жүзеге асыруға дейінгі міндетті қадам. Әрбір азаматтың қала кеңістігін пайдаланудың өзіндік бірегей тәжірибесі бар. Сауалнамаларды талдау құрылыс жүргізушілерге азаматтың әртүрлі топтарының мүддесі мен сұранысын ескере отырып, конструктивті шешім қабылдауға, ресурстарды ысырап қылмауға және пайдасыз жобаларды жасамауға мүмкіндік береді.

 Ұсынылған слайдтар:

- тұрғындарды толғандыратын мәселелер (қала аудандары бойынша бөлінген),

- жолға кететін орташа уақыт,

- тұрғындардың аудандардағы мәдени және коммерциялық қызметтерге сұранысы,

- және басқалары (соның ішінде жасы мен кәсібі).

Зерттеу жұмыстары әлі жүріп жатқандықтан, алдын ала қорытынды ғана бар, қазірдің өзінде қала тұрғындары көтерген негізгі түйіткілдер бар:

•  ауа сапасы,
• экология,
• көлік,
• жұмыс орны,
• жаңадан салынатын құрылысқа көзқарас (нүктелі құрылыс),
• қала тарихы.

Сонымен қатар, талдау алматылықтардың қалада мәдени-әлеуметтік нысандарды, саябақ аймақтары мен демалыс орындарын барынша көп көргісі келетінін көрсетеді.

Мысалы, қала тұрғындарының өтінішін көрсететін сипаттамалық дәйексөз:

1. Ыңғайлы қоғамдық кеңістіктер,

2. Кез келген А нүктесінен В нүктесіне қоғамдық көлікпен ыңғайлы жету мүмкіндігі. (Мысалы, Тимирязев бойымен троллейбуспен немесе Абай бойымен автобуспен жүру өте ыңғайлы),

3. Көгалдандыру, қолданыстағы арықтар жүйесі, гүлдер мен талдарды автоматты суару жүйесі.

4. Қаладағы мектептер мен балабақшалар. Ауданда төрт көпқабатты тұрғын үй кешенін салдық, бірақ мектеп болмады. Мен бір сыныпта қанша оқушы болатынын елестете аламын (40-50 адам). Мен 8-лицейде оқығанда 30 адам едік.

5. Алматы, Медеу және Бостандық аудандарындағы барлық жаңа қорқынышты көпқабатты үйлер (9 қабаттан жоғары) бұзылсын.

Қазіргі таңда қалада 15 жылдан астам тұрып жатқан Әуезов, Алмалы және Наурызбай аудандарының тұрғындары зерттеуге барынша белсенді қатысуда. Респонденттердің дені қалалық жобаларды талқылауға белсенді түрде қатысқысы келеді.

Айта кетейік, азаматтардың сауалнамасын «Алматыбасжоспар» ҒЗИ» ЖШС Алматы қаласы әкімдігінің қолдауымен қолданбалы қалатану орталығымен бірлесіп әзірлеген.

«Алматыбасжоспар» ғылыми-зерттеу институтының, Q-Lab қалалық жобалар зертханасының, Қалалық жоспарлау және урбанистика басқармасының интернет-ресурстары арқылы сауалнамаға қатысып, жауап беруге болады.