Алматының Түрксіб ауданында 100 көше жөнделді

2021 жылы кезеңдегі жөндеу науқанының қорытындылары туралы аудан әкімі Бақытжан Ақжаров Өңірлік коммуникациялар қызметінде өткен баспасөз конференциясында айтып берді, деп хабарлайды Almaty.tv.

2016 жылдан бастап 2021 жылға дейін жол жөндеушілер 100 көшеде асфальтты жөндеп, 70 шақырымнан астам жолды ретке келтірді.

Бақытжан Ақжаров ауданда жол инфрақұрылымын дамыту жыл сайын жүргізіліп жатқанын атап өтті. Мысалы, биыл жалпы ұзындығы 15,3 км болатын 21 көшедегі жолдарға орташа жөндеу жүргізілді.

«Биыл Нұршашқан, Әлмерек және Қайрат шағынаудандарының 149 көшесінде жол жабынының күрделі құрылысы бойынша жұмыстар аяқталды», - деді аудан әкімі.

Сонымен қатар 114 көшеге жаңа тротуарлар салынды. Биыл олар 11 көшеде жасалды, жалпы ұзындығы – 9,5 км.

2022 жылы Бұқтырма көшесі мен Құлжа трактісінің қиылысындағы көлік жолайрығының құрылысын аяқтау жоспарлануда. Қазіргі кезде екі эстакаданың бірінде автокөлік қозғалысы іске қосылды, бұл осы учаскедегі жүктемені азайтуға мүмкіндік берді.

Аудан әкімдігі көшелерді жарықтандыруға ерекше назар аударады. Өткен жылы 614 учаскеге ағымдағы жөндеу жүргізілді, 338,5 км кабель тартылды, 8 463 бірлік кронштейндер мен шамдар орнатылды. Осы жылдың соңына дейін 91 учаскені жарықтандыру бойынша жұмыстарды аяқтау жоспарлануда.

«Алматы Қала Жарық» сыртқы жарықтандыру желілерін  модернизациялау аясында Жансүгіров көшесі мен Қапшағай көпірі бойына жалпы ұзындығы 7 км 258 жарықтандыру тіректерін орнату жұмыстары аяқталды.

Осы жылдың соңына дейін ауданның жарығы жоқ 91 учаскесін жарықтандыру жоспарланып отыр.