Алматыда көше жарығын қалпына келтіру жұмыстары жалғасуда

Мегаполисте көше жарығын қалпына келтіру жұмыстары жалғасуда. «Алматы қала Жарық» қызметкерлері әл-Фараби даңғылындағы Есентай өзенінің көпір маңындағы кеңістігіне шамдар орнатты, деп хабарлайды Аlmaty.tv.

Естеріңізге сала кетейік, 2023 жылы қала әкімі Ерболат Досаевтың тапсырмасы бойынша учаске техникалық сараптама нәтижесінде апатты деп танылғаннан кейін көпірді қайта жаңарту қолға алынды. Жолдың ұзындығын кеңейтіп, жол төсемін нығайтты, жаяу жүргіншілер үшін арнайы баспалдақ салынды. Жағалауда серуендеуге ниет білдірушілер қатары көбейген кезде АҚЖ-ға сыртқы жарықтандыруды жақсарту бойынша өтінімдер түсе бастады. Биыл ақпан айында «Алматы Қала Жарық» МКК бригадалары өзеннің екі жағынан Есентай өзені арқылы өтетін көпірдің астына 10 жарық шам орнатты. Бұл Бостандық пен Медеу аудандарының аумағы. Сондай-ақ, 300 метр кабель тартылды.

- Қала бойынша жарығы жоқ учаскелерді «Алматы Қала Жарық» инспекторлары аудандарды аралау кезінде анықтайды. Сондай-ақ мұндай учаскелер азаматтардың өтініші мен әлеуметтік желідегі посттарының мониторингі нәтижесінде анықталады. Көше жарығын қалпына келтіру жұмыстары жүріп жатыр, бұл процесс кезең-кезеңімен жүргізілуде, - деді «Алматы Қала Жарық» МКК басшысы Игорь Мысик.

Сондай-ақ ақпан айында Есенжанов көшесінде, «Теректі» ықшамауданы мен Герцен көшесіне шамдар орнатылды. Бұған дейін осы учаскенің тұрғындары аллеяда жарықтың жоқтығын айтып, шағымданатын.

Естеріңізге сала кетейік, мегаполис тұрғындары «Алматы Қала Жарық» МКК диспетчерлік пунктіне көше жарығы бойынша өтінімді қалдыра алады.  

Бұған дейін хабарланғандай, Алматыда көше жарығы 2024 жылы 85%-ға қалпына келтіріледі. 2025 жылы бұл көрсеткішті 100%-ға дейін жеткізу жоспарда бар.

Оқи отырыңыз: Алатау ауданында 620 көше жарықтандырылды