Халық қатысатын бюджет: Жетісу ауданында қанша жоба іске асты

Биыл «Халық қатысатын бюджет» жобасы шеңберінде Жетісу ауданында 800 млн. теңгеге 23 жоба іске асты. Бұл туралы Алматы әкімі Ерболат Досаев аудан тұрғындарымен кездесуінде мәлімдеді, деп хабарлайды Almaty.tv. 

"Бұл жобалар Великолукская көшесінде жаңа қоғамдық кеңістік құруға мүмкіндік берді", - деді қала әкімі.

Сондай-ақ осы кезеңде жаңа спорт алаңдары, оның ішінде Жангелдин және Ратушный көшелерінің бойындағы скверлерде 6 теннис және 6 шахмат үстелдері орнатылды.   

Аталған жоба бойынша аудан тұрғындары 2023 жылға қоғамдық кеңістікті абаттандыру және көгалдандыру, балалар мен спорт алаңдарын жөндеу және орнату үшін 129 өтінім берді, оның ішінде 18 жоба алдын ала іріктелді.