Алматыда тағы екі жер сілкінісі болды

Алматыда бүгін таңертең бірінен соң бірі тағы екі жер сілкінісі болды, деп хабарлайды Almaty.tv.

Бұл жағдайды сейсмикалық стансалар желісі тіркеген.

Бірінші зілзала таңғы сағат 09:52 кезінде болды.

Тербеліс ошағы Алматы қаласынан оңтүстік-шығысқа қарай 254 шақырым жерде, Қытай мен Қырғызстан шекарасында болған.

Зілзаланың энергетикалық санаты — 11.5. MPV магнитудасы — 5.2.

Алматыда 2 балл көлемінде сезілген.

Екіншісі де таңғы 10:01 кезінде Алматыдан оңтүстік-шығысқа қарай 256 шақырым жерде, Қытай мен Қырғызстан шекарасында болған.

Зілзаланың энергетикалық санаты — 11.9. MPV магнитудасы — 5.3.

Оны да алматылықтар 2 балл көлемінде сезді.