Алматы әкімінің Бостандық ауданы тұрғындарымен кездесуінде қандай мәселелер талқыланды

Алматы әкімі Ерболат Досаевтың қала тұрғындарымен кезекті кездесуі Бостандық ауданында өтті, деп хабарлайды Almaty.tv.

Қала басшысы ауданның дамуы және тұрғындардан түскен ұсыныс бойынша атқарылған жұмыстар туралы айтып берді. Кездесуге 200-ден астам адам келді.

Бостандық ауданы үшін ең өзекті мәселелер инженерлік коммуникацияларды модернизациялау, жол және әлеуметтік инфрақұрылымды дамыту, қоғамдық кеңістіктердің болмауы және жалпы ауданды абаттандыру болып табылады.

Ерболат Досаев қаланың оңтүстік бөлігін энергиямен жабдықтау сапасын арттыру үшін «Алмагүл» ш/а электр қосалқы станциясы салынды және ұзындығы 4,8 км жаңа кабель желілері салынғанын атап өтті. Ағымдағы жылдың маусым айында қосалқы станцияны іске қосу ауданның 200 мыңға жуық тұрғынын үздіксіз электрмен жабдықтаумен қамтамасыз етеді.

Сондай-ақ маусым айында Ерменсай, Ремизовка, Көкшоқы шағынаудандарында 47,2 км электр желілерін қайта жаңартуға кіріседі. Жұмыстарды аяқтау 2024 жылдың сәуіріне жоспарланған.

Ауданда жол инфрақұрылымын дамыту өзекті мәселе болып қала береді. Ауданда жалпы ұзындығы 28 км болатын 24 көшені орташа жөндеу жоспарланған. Жұмыс мамыр айында басталып, қараша айында аяқталады. Ағымдағы жөндеу жұмыстары үшін биыл ауданға 250 млн теңге берілді әрі 16,5 мың м² жолды жөндеу жоспарланған.

Жазда «Есентай» өзені арқылы өтетін көпірді реконструкциялау басталады, ерекше қажеттілігі бар адамдарға арналған құрылғысы бар 2 жаяу көпір мен пандус.

Ауданның мектептері мен мектепке дейінгі ұйымдарында орын тапшылығы мәселесін жүйелі шешу үшін 9200 орындық 6 жаңа мектеп және 980 орындық 4 балабақша, сондай-ақ 400 орындық 8 жекеменшік балабақша салу жоспарланған. Оның ішінде «Жайлы мектеп» жобасы бойынша ағымдағы жылдың қыркүйек айында 3 мектептің құрылысын бастау жоспарлануда.

Қала қадамдық қолжетімділік тұжырымдамасы аясында сапалы медициналық қызмет көрсету мәселелеріне ерекше назар аударады. Ағымдағы жылы 5 денсаулық сақтау нысанын салу, реконструкциялау және күрделі жөндеу, оның ішінде әрқайсысы 500 орындық 2 емхана және 500 төсек-орындық қалалық орталық клиникалық аурухананың жаңа корпусын салу жоспарланған.

Ауданда үнемі су басу орындары мәселесі белсенді түрде шешілуде. ТЖ желісі бойынша мәселелік 6 учаске жойылды. Ағымдағы жылдың соңына дейін 89 көшеде ұзындығы 55,2 км арық желілерін реконструкциялауды аяқтау жоспарлануда, бұл су тасқыны кезеңінде су басу қаупін жоюға немесе азайтуға мүмкіндік береді.  

Қауіпсіздік мәселелері дәстүрлі түрде басымдыққа ие. Видеомониторинг жүйелерінің желісін кеңейту үшін ауданда қосымша 750 камера орнатылатын мекенжайлар тізімі анықталды.

Ауданның 18 км жарықтандырылмаған көшелеріне 751 жарықтандыру бағанасын орнату жұмыстары аяқталды. Тағы 42 жарығы жоқ көшені жарықтандыру үшін ЖСҚ әзірлеу жоспарланған.

Әкіммен өткен тұрақты кездесулер барысында тұрғындар жайлы қалалық ортаны дамыту жөнінде тілегін білдірді. Осыған байланысты «Южный» саябағының мемлекеттік меншікке қайтарылған бөлігін абаттандыру жалғастырылатын болады.

Сондай-ақ, тұрғындардың жайлы тұруы үшін 4 қоғамдық кеңістікті, атап айтқанда, Үлкен Алматы жағалауын, сондай-ақ «Сұңқар» шаңғы трамплинінің халықаралық кешеніне іргелес аумақты абаттандыру жоспарлануда.

«Халық қатысатын бюджет» бағдарламасының табысты тәжірибесі қала әкімінің осы бағдарламаны іске асыруға қосымша қаржыландыру бөлу туралы шешіміне ықпал етті. Бостандық ауданына 875 млн теңге бөлінді. Аудан тұрғындарынан 100 ұсыныс келіп түсті, жобаларды іріктеу рәсімі 1 мамырға дейін аяқталады.