Түрксіб ауданы тұрғындары үшін спорт объектілерінің жақын орналасуы қамтамасыз етіледі

Бұл туралы қала әкімі Ерболат Досаев Түрксіб ауданы тұрғындарымен кездесуінде мәлімдеді, деп хабарлайды Almaty.tv.

"Осы жылдың соңына дейін «Жас Қанат» шағынауданында бассейні бар дене шынықтыру-сауықтыру кешені салынып бітеді", - деді мегаполис басшысы.

Сондай-ақ қала әкімі биылғы жылдың желтоқсан айында Майлин көшесіндегі дене шынықтыру-сауықтыру кешенінің және Огарев көшесіндегі Даму және шығармашылық орталығының жобалау-сметалық құжаттамасын әзірлеу аяқталатынын айтып өтті.