Жетісу ауданының бизнес-нысандары «Алматы - біздің ортақ үйіміз» науқанын қолдады

Жетісу ауданының 10-нан астам бизнес-нысаны «Алматы - біздің ортақ үйіміз» науқанын қолдады, деп хабарлайды Аlmaty.tv.

Жетісу ауданында қала бойынша жүргізіліп жатқан «Алматы – біздің ортақ үйіміз» науқаны аясында жеке кәсіпкерлік объектілерінің іргелес аумақтарын тазалау жұмыстары жүргізілді.

Іс-шараға түрлі кәсіпорындар, зауыттар, сауда орталықтары мен кешендерінің, базарлардың өкілдері, автосалондар мен т.б  қатысты.

Өз аумақтарын тазарту аясында кәсіпкерлер көгалдарды, жаяу жүргіншілер жолдарын қоқыстардан және бұтақтардан тазартты, ғимараттардың терезелері мен витриналарын ретке келтірді, сондай-ақ жиектерді, орындықтар мен урналарды сырлады.

Қатысушылардың бірі атап өткендей, сауда орталықтарының аумағын жинау жалғасатын болады.

- Науқан «Алматы біздің ортақ үйіміз!» бүкіл қаланы жаңартудың тамаша мүмкіндігі, көктем әрқашан тазартуға және жаңартуға шабыттандырады. Сондықтан болашақта біз осындай іс-шараларды міндетті түрде өткіземіз, сондай-ақ оларға қатысамыз. Жақсы істер жасау әрқашан жақсы. Өз әріптестеріме келетін болсақ, мен бұл челленджді әрі қарай өзге компанияларға тапсырамын деп айтқым келеді! Біз өз қаламызды өте жақсы көреміз, сондықтан оның әр бұрышын таза және ұқыпты ұстағымыз келеді, - деді сауда орталығының директоры Рүстем Бектасов.

Естеріңізге сала кетейік, қала бойынша «Алматы – біздің ортақ үйіміз» акциясы аясында іс-шаралар жалғасуда. Мәселен, 14 сәуірде сағат 11:00 - де Түрксіб ауданында әуежай көлінің аумағында катамарандар мен байдаркаларда «көктемгі старт» су-туристік көпсайыстан жарыс өтеді. Сол күні сағат 13:00-де Баум тоғайында плоггинг (қоқыс жинаумен біріктірілген жүгіру) өтеді.

«Алматы-біздің ортақ үйіміз» науқаны 8 сәуірде басталды. Әрбір тұрғын мегаполисті дамытуға және абаттандыруға өз үлесін қоса алады.

Барлық ақпарат almaty.kz сайтында, Алматы әкімдігінің әлеуметтік желілерінде орналасқан. Сондай-ақ, веб-сайтқа арнайы QR-код арқылы қала бойынша орналастырылған баннерлерде, плакаттарда және афишаларда кіруге болады.

Науқанның белсенді қатысушыларына арналған әлеуметтік желідегі хэштегтер: #АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.

Оқи отырыңыз: Алматылықтарға тұрмыстық қоқысты сұрыптаудың маңыздылығы туралы айтылды