Алматының Түрксіб ауданында 36 көше жөнделеді

қала әкімдігінің баспасөз қызметі

Бұл туралы Алматы әкімі Ерболат Досаев Түрксіб ауданының тұрғындарымен кездесуде мәлімдеді

2024 жылы ұзындығы 46,4 км 36 көшені жөндеу жоспарлануда. 2024 жылы жөндеу аясында тағы 40 мың шаршы метр жол төсемін қалпына келтіру жоспарлануда. Бұл туралы Алматы әкімі Ерболат Досаев Түрксіб ауданының тұрғындарымен кездесуде мәлімдеді, деп хабарлайды Almaty.tv.

Қала басшысы ағымдағы жылы жол инфрақұрылымын дамыту бойынша белсенді жұмыс жалғасатынын атап өтті.

Ерболат Досаев 2023 жылы Алматының Түрксіб ауданында ұзындығы 22 км болатын 17 көшедегі жолдарға орташа жөндеу жүргізілгенін атап өтті.

2023 жылы мегаполисте барлығы 326 мың шаршы метр жол төсемі жөнделді.