Алматыны Жаңа жылға қалай безендіреді

Шыршалар, ертегі кейіпкерлерінің фигуралары және мерекенің басқа атрибуттары желтоқсан айының ортасында мегаполис көшелерінде пайда бола бастайды. Қазіргі уақытта ашық конкурс өтіп жатыр, оның қорытындысы бойынша қандай компания және жаңа жылға қарай қаланы безендірумен қандай сомаға айналысатыны анық болады. Дизайн бойынша негізгі жұмыс желтоқсанның ортасында басталады. Бұл туралы ӨКҚ брифингі барысында Алматы қаласы әкімінің орынбасары Арман Қырықбаев мәлімдеді, деп хабарлайды Almaty.tv.

Журналистердің сұрағына жауап берген Арман Қырықбаев ұзындығы 20 метр болатын жаңа жылғы басты шырша Абай атындағы алаңда орнатылатынын айтты. Ол салтанатты түрде 20 желтоқсанда жағылып, мерекелік концерт өтеді.

«Барлық тілек білдірушілер оған қатыса алады. Жалпы, Жаңа жылда қалада 60-тан астам шырша орнатылады. Қала тұрғындары мен қонақтары үшін түрлі тақырыптық іс-шаралар өтеді. Оның ішінде жаңажылдық қысқы фестиваль, түрлі шеберлік сағаттары, жас суретшілердің сурет көрмелері, аниматорлар бағдарламалары, концерттер және мобилографтар арасында жаңажылдық үздік бейнероликтерге арналған байқау бар. Алғаш рет туыстары мен жақындарына сыйлықтар сатып алуға болатын аудандарда жаңа жылдық жәрмеңке ұйымдастыруды жоспарлап отырмыз. Сондай-ақ Аяз Аталар шеруі өтеді»,  - деп хабарлады А. Қырықбаев.

Жыл сайын ШОБ, ірі сауда орталықтары және басқа да субъектілер жаңажылдық безендіруге белсенді қатысады және келушілерді қуантқысы келеді.

Қаланы безендіруде жарық композицияларының бірыңғай стильде болуына басты назар аударылады. Жаяу жүргінші көшелері (Панфилов және Жібек жолы), Абай және Астана алаңдары, Тұңғыш Президент саябағы, Абай атындағы Қазақ ұлттық опера және балет театрының, Н. Сац атындағы жасөспірімдер театрының, «Алматы Арена» мұз кешенінің алдындағы алаңдар, сондай-ақ әрбір аудандағы адам көп жиналатын орындар инсталляциялармен, иллюминациялармен және фото-аймақтармен безендіріледі.

Арман Қырықбаев жаңа жылдық безендіру кезінде пайдалануға жарамды өткен жылғыдан қалған конструкцияларды пайдалану жоспарланғанын атап өтті.

Ал жаппай сырғанау үшін қалада 22 ашық мұз айдыны ұйымдастырылады. Ашық мұз айдындарының аумағында спорттық-ойын-сауық бағдарламаларын, конкурстарды, флешмобтарды, жүлделермен ұтыс ойындарын, демалыс аймақтары мен кофе-пойнттарды ұйымдастыру жоспарланған.