|
04.08.2021 | 12:48
1758

Алматының Жетісу ауданындағы 11 көшеде жөндеу жұмыстары жүріп жатыр

Жолдардың жалпы ұзындығы 18,3 шақырымды құрайды

Алматының Жетісу ауданындағы 11 көшеде жөндеу жұмыстары жүріп жатыр almaty.tv

Алматының Жетісу ауданындағы 11 көшеге орташа жөндеу жұмыстары жүргізілуде. Жолдардың жалпы ұзындығы 18,3 шақырымды құрайды. Бұл туралы Өңірлік коммуникациялар қызметінің баспасөз-конференциясы барысында Жетісу ауданының әкімі Гүлнәр Көкебаева мәлімдеді, деп хабарлайды Аlmaty.tv тілшісі.

Сонымен қатар, ауданда тротуарларды ретке келтіру жұмыстары жүргізілуде.

Г. Көкебаеваның айтуынша, ауданның Рысқұлов пен Сүйінбай даңғылдарында жұмыстар аяқталып қалды, Таймырский, Москвина, Черновцкая, Галилей және Первомайская мұнай базасы көшелерінде жөндеу жұмыстары жүргізілуде. Геологов, Талант және Жансүгіров көшелерінде жұмыс жүргізілуде, Кудерина көшесінде жұмыс аяқталды.

«Біздің аудан тұрғындарының өтініші бойынша Есенов, Нүсіпбеков, Палладин көшелерінде және Айнабұлақ-2 шағынауданында ұзындығы 1,4 шақырым болатын жаяу жүргіншілер жолдарын ретке келтіру жұмыстары жүргізілді», – деді Жетісу ауданының әкімі.

Сонымен қатар, аудан тұрғындарының өтініші бойынша белгіленген учаскелердегі шұңқырлар жөнделуде. 3 тамыздағы жағдай бойынша орындалған жұмыс көлемі 26 700 шаршы метрді құрайды.

Жолдан басқа, су басып қалуы мүмкін аймақтарда арық желілері ретке келтіріледі. Жалпы алғанда, ұзындығы 4,2 км болатын 11 көшеде арық желілері жөнделеді. Ачинская, Зубарев, Жангелдин, Галилей, Дыбенко, Шекспир, Волочаевская, Шелихов, Павлодарская, Қазыбаев көшелерінде және Айнабұлақ-1 шағынауданында жұмыстар жүруде. Тамыздың соңында арықтар желілерін жөндеуді аяқтау жоспарлануда.

Bólisý