Көлік қаңқасының моделі қаладағы ең тартымды және тартымдылығы аз аймақтарды талдау, сондай-ақ жұмыс орындарының шоғырлануы негізінде қалыптасады. Бұл туралы қалалық мәслихат депутаттары мен сарапшылар қоғамдастығы алдындағы шебер-жоспардың тұсаукесерінде айтты, деп хабарлайды Аlmaty.tv.
Жүргізілген талдауға сәйкес Алматыны 3 аймаққа бөліп қарастыруға болады. Ол жерде жұмыс орнының 70% шоғырланған. Зерттеу үшін қызмет түрлерінің санаттарымен (мысалы, сауда нысаны – «көтерме және бөлшек сауда» қызмет түрі) және сыйымдылығымен, яғни жұмыс орындарының санымен байланысты тұрғын емес нысандардың картасы пайдаланылды.
Бұған қоса қаңқа моделінің нұсқасын таңдау кезінде басқа да тарту нүктелері ескеріледі: ірі сауда орталықтары мен базарлар, көлік хабтары, табиғи, мәдени, спорттық және білім беру нысандары.
Шебер-жоспарды «Алматыбасжоспар» және кешенді көлік жобаларын іске асыру саласындағы сарапшылар әзірлеген.
Оқи отырыңыз: 2030 жылға дейін қоғамдық көліктегі сапар санын 64% арттыру жоспарланады
