Алматыда тұрақты су басатын аумақтардың мәселесі қалай шешіліп жатыр

2022 жылы Open Almaty әкімдігінің қоғамдық қабылдауына су басатын аумаққа қатысты 1 мыңнан астам өтініш келіп түсті, деп хабарлайды Almaty.tv.

Мемлекет басшысы Ерболат Досаевтың қатысуымен өткен Алматы қаласын дамыту жөніндегі кеңес барысында атап өткендей, су басудың негізгі себебі бітелген арықтар, арық жүйесінің болмауы, жөндеу жұмыстарының аяқсыз қалуы болып отыр.

«2022 жылдың бірінші жартыжылдығында Алматыда тексеру жүргізіліп, тұрақты су басатын 102 аумақ анықталды. Бүгінде ең маңызды 71 учаске жойылды. 2023 жылдың соңына дейін қалған 31 аумақта жұмыс аяқталады. Қазір нөсер кәрізі бойынша 376 шақырым арық желілерін қайта жаңарту және салу жұмыстары жүргізілуде, ол 2024 жылдың соңына дейін аяқталады», – деді Алматы әкімі.

Жалпы, оның айтуынша, арық жүйесін қалпына келтіру және дамыту су басу және суарумен қамтамасыз ету мәселелерін шешуге мүмкіндік береді.