Жеңіс күні: «​Соғыс бітті»​ деп естігенде бір-бірімізді құшақтап, жыладық

Жеңіс күнінде Президент саябағындағы «Ұлы Отан соғысына қатысушылар» аллеясына да гүл шоғын қойылды, деп хабарлайды Almaty.tv.

 Ардагерлермен қоса, рәсімге «Генералдар кеңесі» қоғамдық бірлестігінің мүшелері қатысты. Еліміздің әнұранымен басталған іс-шара ары қарай бүлдіршіндердің концерттік бағдарламасымен жалғасты. Келгендерге сарбаз ботқасы үлестіріліп берілді.

– Соғыс ардагерлерін құттықтаймын! Оларға денаулық тілейтінім! Олар сыйлаған тыныштық, бірлік елімізде 78 жыл бойы салтанат құрып келеді. Ұрпаққа тапсырумыз керек, – деді «Генералдар кеңесі» РҚБ төрағасы Махмұт Телеғұсов.

Аллея 2020 жылы ашылған. 3 жыл бұрын майдангерлер мен тыл еңбеккерлері отырғызған көшеттер көздің жауын алып, жайқалып тұр. Жиналғандар жеңісті күнді көзіне жас алып еске түсірді.

– Таңертең терезеден тарсылдатып, хабарлады. Бәріміз далаға шықтық. «Соғыс бітті» деп естігенде бір-бірімізді құшақтап, жыладық, – деді тыл еңбеккері Әсима Жетпісбаева.