Алматыға ҚХР Халық Өкілдері Жиналысының тұрақты комитеті төрағасының орынбасары Хао Минцзинь және делегация мүшелері келді, деп хабарлайды Аlmaty.tv. тілшісі қалалық мәслихаттың баспасөз қызметіне сілтеме жасап.
ҚХР Бүкілқытайлық халық өкілдері жиналысы тұрақты комитеті төрағасының орынбасары Хао Минцзинь басшылығымен делегация мүшелері Қытай мен Қазақстан арасындағы ынтымақтастықты одан әрі нығайтуға бағытталған бірқатар кездесулер өткізді.
Кездесулердің бірі Алматы қаласы мәслихатында өтті. Оған мәслихат төрағасы Мейіржан Отыншиев, Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің төрағасы Айгүл Құспан және мәслихат депутаттық корпусының мүшелері қатысты. Түрлі салалардағы ынтымақтастыққа қатысты өзекті мәселелер талқыланды, сондай-ақ өзара тиімді әріптестіктің ұзақ мерзімді перспективалары бойынша пікір алмасылды.
- Қытайлық достарымызбен кездесу әрқашан ерекше, бізді ұзындығы 1 700 шақырымнан асатын жалпы шекара біріктіреді. 2022 жылы Қазақстан мен Қытай дипломатиялық қатынастардың орнағанына 30 жыл толды. Мамыр айында өткен мемлекеттік сапар, сондай-ақ өткен жылдың қазан айында ел Президенті Қасым-Жомарт Кемелұлы Тоқаевтың Қытайға ресми сапары екіжақты қатынастарды одан әрі нығайтуға және дамытуға қуатты серпін берді. Қазақстан мен Қытай қазақ-қытай ынтымақтастығының жаңа «Алтын 30 жылдығы» алдында тұр, - деп атап өтті Мейіржан Отыншиев.
Мегаполис экономикасының негізгі саласы 29,8% үлесімен сауда болып табылады. Достық қарым-қатынастың арқасында Алматы мен Қытай арасындағы тауар айналымы дәстүрлі түрде жоғары деңгейде. 2023 жылдың 11 айында бұл көрсеткіш 2022 жылдың сәйкес кезеңімен салыстырғанда 24% - ға өсті. Сонымен қатар, өткен жылдың маусым айында Үлкен Алматы айналма автомобиль жолы (БАКАД) ашылды. Автомагистраль «Батыс Еуропа – Батыс Қытай» көлік дәлізінің байланыстырушы буынына айналды. Алматы агломерациясы жаңа логистикалық жүйенің орталығына айналуда және ҚХР-мен сауда байланыстарын дамыту үшін жоғары әлеуетке ие.
Делегация өкілдері Алматы қаласымен экономика, бизнес, мәдениет және денсаулық сақтау салаларында ынтымақтастықты тереңдетуге дайын екендіктерін білдірді.
Дінмұхамед Ахметұлы Қонаевтың мемориалдық мұражайы мен үйіне бару Қытай Халық Республикасының делегациясы үшін бағдарламаның маңызды бөлігіне айналды. Делегация мүшелері көрнекті қазақстандық саясаткердің өмір тарихымен танысты.
Дінмұхамед Ахметұлы Қонаевқа арналған мемориалдық мұражай делегация мүшелеріне көрнекті саясаткердің Қазақстан тарихы мен Алматының өркендеуіне қосқан үлесі мен өмірбаянымен танысуға бірегей мүмкіндік берді. Мұражай экспозициялары Қонаевтың жеке басы мен қызметін қалыптастырған уақыт пен оқиғалардың атмосферасын еске түсірді. Дінмұхамед Ахметұлы Қонаев өмірінің соңғы жылдарын өткізген үйі де делегация мүшелері үшін ерекше қызығушылық тудыратын орынға айналды. Мұнда олар сол кездегі атмосфераны сезіне алды және оның мегаполистің саяси және әлеуметтік тарихына қосқан үлесінің маңыздылығын жақсы түсінді.
Естеріңізге салсақ, ҚХР делегациясының Қазақстанға сапары аясында ҚР Парламенті Сенаты төрағасы Мәулен Әшімбаев және Мәжілісінің төрағасы Ерлан Қошановпен келіссөздер, Мәжіліс төрағасының орынбасары Альберт Рау, Қазақстан Премьер-Министрінің бірінші орынбасары Роман Склярмен кездесу жоспарланған.
Оқи отырыңыз: Қазақстан Президенті Башқұртстан Республикасының басшысы Радий Хабировты қабылдады
