Алматыда «Таза қасбеттер» акциясына 1600-ден астам бизнес өкілдері қатысты

22-28 сәуір аралығында «Алматы – біздің ортақ үйіміз» науқаны аясында жарияланған «Таза қасбеттер» акциясына қала кәсіпкерлері қосылды, деп хабарлайды Almaty.tv.

Бүгінгі таңда 1600-ден астам коммерциялық ұйымдар, соның ішінде өнеркәсіптік кәсіпорындар, ірі сауда орталықтары, БО, қонақ үйлер, базарлар, супермаркеттер, дәріханалар, азық-түлік дүкендері және т.б. өз нысандарының қасбеттерін тазартты, терезелер мен витраждарды жуды, маңдайшалар мен билбордтарды ретке келтірді, қоқыстарды алып тастады және іргелес аумақтарды абаттандырды.

Бостандық ауданында санитарлық тазалау жұмыстарын 131 бизнес субъектісі жүргізді, Медеу ауданында – 205, Түрксіб ауданында – 200-ден астам , Жетісу ауданында – 200-ден астам, Әуезов ауданында – 310 , Алатау ауданында – 300-ден астам , Наурызбай ауданында-180-ден астам, Алмалы ауданында – 100-ге жуық субъект қатысты.

«Таза қасбеттер» акциясы Алматыда 2024 жылдың 28 сәуіріне дейін жалғасады. Бизнес объектілерінен басқа, ол коммуналдық меншіктегі әкімшілік ғимараттардың (мемлекеттік объектілер) және жеке тұрғын үйлердің (ПИК, ОСИ) қасбеттерін тазалайды.

Алматы қаласының коммуналдық инфрақұрылымды дамыту басқармасында абаттандыру қағидаларының 148-тармағына сәйкес «қарамағында ғимараттар мен құрылыстар орналасқан кәсіпорындар мен ұйымдардың басшылары, ғимараттар мен құрылыстардың иелері аталған объектілердің қасбеттерін және олардың жекелеген элементтерін (балкондар, лоджиялар, суағар құбырлары және т. б.) қалпына келтіру, жөндеу және сырлау жөніндегі жұмыстардың уақтылы жүргізілуін қамтамасыз етуі қажет деп ескертеді), сондай-ақ қасбеттерде орналасқан ақпараттық тақталарды, естелік тақталарды таза және жарамды күйде ұстау».

Естеріңізге сала кетейік, 8 сәуір мен 8 мамыр аралығында Алматыда «Алматы – біздің ортақ үйіміз» науқаны өтіп жатыр. Әрбір тұрғын қаланың дамуы мен абаттандырылуына өз үлесін қоса алады.

Барлық ақпарат almaty.kz сайтында, Алматы әкімдігінің әлеуметтік желілерінде орналасқан. Сондай-ақ веб-сайтқа арнайы QR-код арқылы қала бойынша орналастырылған баннерлерде, плакаттарда және афишаларда кіруге болады.

Науқанның белсенді қатысушыларына арналған әлеуметтік желідегі хэштегтер: #АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.

Оқи отырыңыз: Алматыда жаңа демалыс аймағы пайда болады