Наурызбай ауданына «Мектеп автобусы» жобасы бойынша қосымша автобус бөлінеді

Алматының Наурызбай ауданында «Мектеп автобусы» жобасы аясында 27 автобус жүре бастады. Олар күн сайын 2400 оқушыны тасымалдайды, деп хабарлайды Almaty.tv.

«2024 жылдың қаңтарынан бастап 1000 балаға қосымша 16 автобус бөлінеді. Жалпы 3 400-ге жуық бала қамтылады», - деді Наурызбай ауданының әкімі Нәзира Тоғызбаева ӨКҚ брифингінде.

Сонымен қатар әкім биылғы 1 маусымда Мемлекет басшысының тапсырмасымен Наурызбай ауданында көпсалалы инновациялық шығармашылықтың орталықтың ашылғанын атады.

«Басты міндет – балаларымыздың ең жақсысын ұсыну. Жаңа орталық мектептерге жақын маңнан ашылды және жоғары стандарттар бойынша цифрландырудың білім беру технологияларымен жабдықталған. Қазіргі уақытта 2200 бала қамтылған», - деді ол.