|
06.12.2021 | 16:28
1204

Алматының Алмалы ауданында 19 шақырымнан астам жол жаңартылды

Сонымен қатар, Райымбек – Розыбакиев көшелері бойындағы жолайрығына жөндеу жүргізіліп, 20 мекенжай бойынша 5 шақырым тротуар желісінің құрылысы аяқталды

Алматының Алмалы ауданында 19 шақырымнан астам жол жаңартылды фото из открытых источников

Алматының Алмалы ауданында 19 шақырымнан астам жол жаңартылды. Бұл туралы Өңірлік коммуникациялар қызметінің баспасөз конференциясы барысында Алмалы ауданының әкімі Ержан Сейтенов хабарлады. Ол 13 көшеде жаңа асфальт төселгенін айтты, деп хабарлайды Almaty.tv.

Сонымен қатар, Райымбек – Розыбакиев көшелері бойындағы жолайрығына жөндеу жүргізіліп, 20 мекенжай бойынша 5 шақырым тротуар желісінің құрылысы аяқталды.

Қазіргі кезде бұрын реттелмейтін 4 қиылысты бағдаршамдармен жабдықтау және реттелетін батырмалы бағдаршамдарды орната отырып, 8 жаяу жүргіншілер өткелін жаңғырту бойынша жұмыстар жүргізілуде. Жұмыстар жыл соңына дейін аяқталады.

Ержан Сейтенов аулалар мен көшелерді жарықтандыру туралы да айтты.

«Осы жылға жоспарланған 84 жарықтандырылмаған және жартылай жарықтандырылған учаскелердің бойын жарықтандыру толығымен аяқталды. Ауданның 14 монументалды ескерткішіне қосымша жарық түсірдік», – деді аудан әкімі.

Сонымен қатар Әлімжанов көшесінің Панфилов көшесінен Назарбаев көшесіне дейінгі және Шәріпов көшесінің бойымен  Абай даңғлынан Мақатаев көшесіне дейінгі ескі сыртқы жарық шамдары жаңарды.

Есентай өзенінен Сайран көліне дейін Шевченко, Желтоқсан көшелері мен Абай даңғылының бойындағы көше жарығын жаңарту жұмыстары жалғасуда.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Прямой эфир