Еркебұлан Оразалин: Алматыда жазғы кафелер ашылуы мүмкін

Алматыда жазғы кафелерге жұмыс істеуге рұқсат берілуі мүмкін. Бұл туралы Алматы қаласы кәсіпкерлік және инвестициялар басқармасының басшысы Еркебұлан Оразалин айтты, деп хабарлайды Almaty.tv тілшісі Tengrinews.kz сайтына сілтеме жасап.

Еркебұлан Оразалин қоғамдық тамақтану нысандары үшін карантиннің күшеюіне байланысты күрделі жағдай қалыптастырғанын атап өтті.

«Жұмыс уақыты, қызмет көрсету мүмкіндігі жоқ. Біз қазір жергілікті атқарушы органдарға байланысты қандай қолдау шараларын қабылдай алатынымыз туралы талқылауды белсенді жүргізіп жатырмыз. Былтыр Алматы әкімі Бақытжан Сағынтаев қоғамдық тамақтануға уақытша құрылымдарды, үстелдерді, жазғы алаңдарды қандай да бір рұқсат құжаттарынсыз қою мүмкіндігіне келісім берді. Біз бұл мәселені қайта қозғадық. Қала әкімі қолдады. Мен жақында локдауннан шығамыз деп үміттенемін және бұл мүмкіндік жалпы тамақтану орындарына беріледі. Сондай-ақ, дайын өнімді қоғамдық тамақтану алдында шығару мәселесін қарастырып жатырмыз, бәлкім, мұндай мүмкіндікті де ұсынатын шығармыз», – деді Еркебұлан Оразалин.