Алматы музейінде «Қысқы ертегі» ойыншықтар көрмесі ашылды

Алматы музейінде «Қысқы ертегі» атты ойыншықтар көрмесі ашылды, деп хабарлайды Almaty.tv.

Онда бірнеше ғасырлар бұрын жасалып, жақсы күйде сақталған ойыншықтар қойылған. Сондай-ақ, көрмеде ерте дәуірден қалған шыршалар да бар. Шараның мақсаты пандемияға қарамастан қала тұрғындарын жаңа жылдық атмосфераға бөлеп, балалық шақты еске түсіру. Онымен қоса бүлдіршіндерге мерекелік көңіл-күй сыйлау. Ерекше форматтағы көрме 13 қаңтарға дейін жалғасады. 

«Ойыншықтар көрмесі жаңадан ашылды. Көрмеде 19-20 ғасырда жасалған ойыншықтар. Жүз елу жылдай тарихы бар ойыншықтар», – деді қалалық мұражайлар бірлестігінің директоры Әнуар Үмбетәлиев.