|
19.06.2024 | 17:18
1350

Алматыда жаңа комьюнити орталықтары ашылады

Олардың саны16-ға дейін көбейеді

Алматыда жаңа комьюнити орталықтары ашылады Алматы әкімдігінің баспасөз қызметі

Алматы әкімі Ерболат Досаев тағы да бірқатар комьюнити орталық ашуды тапсырды, деп хабарлайды Аlmaty.tv.

Алматыда жастарға арналған комьюнити орталықтардың саны 16-ға дейін көбейеді. Бұл туралы Алматы қаласы бойынша Қазақстан халқы Ассамблеясының XXVI сессиясы аясында Алматы әкімі Ерболат Досаев хабарлады.

- Біз уәде еткендей, қалада 16 комьюнити орталық болады. Биыл 4-еуін, келесі жылы тағы 4-еуін ашамыз. Комьюнити орталықтардың пайдасы мол, жастардың басын қосатын орындар пайда болды, - деді қала басшысы Ерболат Досаев.

Қазір қаланың әр ауданында бір-бірден 8 комьюнити орталық ашылған.

Естеріңізге сала кетейік, Алматыда жастардың әлеуетін толыққанды іске асыру, сондай-ақ жастарға атаулы көмек көрсету үшін өткен жылы жастар комьюнити орталықтар ашылған.

Әрбір комьюнити орталық – 300 м2 қоғамдық кеңістік, психологиялық, заң көмегі, жұмысқа орналастыру, кәсіптік бағдар беру, кәсіпкерлік мәселелер бойынша кеңес беру, сондай-ақ жастар идеясын жеделдету үшін коворкинг аймақ бар.

2024 жылдың басынан бері 750-ден астам іс-шара өткізіліп, 30 мыңнан астам жас қатысқан. «Оңай» картасы негізінде комьюнити орталықтардың резиденттері үшін клубтық карточкалық жүйе енгізілді. Карта көлікке, қоғамдық тамақтануға, спорттық және мәдени инфрақұрылымды пайдалануға, оқытуға, шеберлік дәрістеріне және т.б. дисконт ұсынады.

Сондай-ақ қалада жастарға арналған 34 демалыс орталығы жаңғыртылды.

Оқи отырыңыз: Бастамалар мен бағдарламалар: Ерболат Досаев Алматы қаласы бойынша ҚХА сессиясына қатысты

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир