|
Jol
19.06.2024 | 17:35
2162

Алматыда қыркүйекке дейін Спасская көшесі бойында көлік қозғалысы шектеледі

Екі бағытта да көлік қозғалысы жабылады

Алматыда қыркүйекке дейін Спасская көшесі бойында көлік қозғалысы шектеледі Фото: elements.envato.com

2024 жылдың 20 маусымы мен 15 қыркүйегі аралығында Алматы қаласының Түрксіб ауданында Спасская көшесінің бойымен Бекмаханов көшесінен бастап Урицкий көшесі арқылы өте отырып, Воровский көшесіне дейінгі аумақта  автокөлік құралдары үшін қозғалыс шектеледі, деп хабарлайды Аlmaty.tv тілшісі «Алматы жылу жүйесі» ЖШС-не сілтеме жасап. 

Екі бағытта да көлік қозғалысы жабылады.

Уақытша шектеулер 1983 жылдан бері пайдаланылып келе жатқан жалпы ұзындығы 1804,6 метр болатын, аталған көше бөлігінің көлік жолы бөлігінің астынан өтетін құбырды  жаңғырту учаскесінде жоспарлы жұмыстарды жүргізу қауіпсіздігін қамтамасыз ету үшін енгізілмек.

Бұл құбыр 22 көппәтерлі тұрғын үйді, 1 балабақша мен 1 білім беру нысанын жылумен және ыстық сумен қамтамасыз етеді. Жаңғырту жұмыстары кезеңінде аталған тұтынушылар ыстық сумен бұрынғысынша үздіксіз қамтамасыз ете берілетін болады.

Еске сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудан әкімдіктері мен басқармаларының әлеуметтік желілерінде, сондай-ақ «2GIS» және «Яндекс карталары» сервистерінде жарияланып отырады.

Уақытша қолайсыздықтарға түсіністікпен қарауларыңызды және бұл аумақты айналып өту жолдарын алдын ала қарастыруларыңызды сұраймыз.

«Алматы жылу жүйесі» ЖШС

Оқи отырыңыз: Алматыда жаңа комьюнити орталықтары ашылады

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир