Б. Сағынтаев Францияның бизнес-қауымдастығымен кездесті. Онлайн-кездесу барысында Алматы экономикасының түрлі салаларында серіктестік қатынастарды дамыту мәселелері талқыланды, деп хабарлайды Almaty.tv.
Алматы әкімі Бақытжан Сағынтаев Twitter-дегі өзінің аккаунтында Францияның MEDEF International бизнес-қауымдастығымен кездесуінің онлайн форматта өткенін айтты.
«Инвестиция, денсаулық сақтау, сауда, туризм сияқты салалардағы әріптестік қатынасты дамыту мәселесін талқылап, ынтымақтастықтың перспективалық бағыттарын қарадық», – деп жазды Алматы әкімі.
MEDEF – «Франция кәсіпорындарының қозғалысы» Франциядағы ең ірі жұмыс берушілер федерациясы. Ол барлық салалардағы 800 мың француз кәсіпорындарын біріктіреді. MEDEF – Франция үкіметінің әлеуметтік және экономикалық келіссөздердегі серіктесі.
