Балалардың өмір қауіпсіздігін қамтамасыз ету мәселелері - бұл кешенді міндет. Бұл туралы Алматының өңірлік коммуникациялар қызметінің брифингінде Алматы ТЖД Мемлекеттік өрт бақылау басқармасының бас маманы, азаматтық қорғау майоры Дарын Мұқанов мәлімдеді, деп хабарлайды Almaty.tv.
Балалардың қауіпсіздігі тек балаларға ғана емес, сонымен қатар ата-аналарға да қатысты. Өйткені, балалармен болған оқиғаның басым бөлігі ересектердің бақылауы жоқтығынан және балаларға қарапайым ережелерді түсіндірмеуінен болады.
Бірақ барлық ата-ана баланы қалай қорғауға және ықтимал қайғылы жағдайлардың алдын алуға болатындығын білмейді. Балаларда өрт қаупі сезімін қалыптастыру, тұрмыстық техникамен қауіпсіз жұмыс істеу және өрт болған жағдайда дұрыс әрекет ету дағдыларын қалыптастыру қажет.
ӨКҚ спикері балалардың отпен ойнауы қандай қауіптер әкелетіні туралы, сондай-ақ өрт болған жағдайда жүзеге асырылуы тиіс іс-қимылдар алгоритмі туралы айтты.
"Бірінші жартыжылдықта бізде 346 өрт болды, оның 4-і "балалардың өртпен ойнауы" себебінен", - деді Д.Мұқанов.
Өз кезегінде, ТЖД қызметкерлерімен "Қауіпсіз үй" айлығы шеңберінде 29 маусымнан бастап 1000-нан астам (28 метрден жоғары) биік үйлер ақпараттық-түсіндіру жұмыстармен қамтылды, 7,5 мың адамды қамтыған 140 тұрғындармен кездесу өткізілді, "Тұрмыстағы қауіпсіздік шаралары", "Жер сілкінісі кезіндегі 10 қадам" "Балалардың терезеден құлауы" тақырыптарына 70 мыңнан астам жадынама таратылды.
Балалармен болған қайғылы жағдайдың ең көп тараған себептерінің бірі-балалардың терезеден құлап кетуі. Жыл басынан бері осындай екі факт тіркелді.
"Терезеден құлау-балалар жарақаты мен өлімінің негізгі себептерінің бірі. Баланы терезеден құлаудан қалай қорғауға болады? Көп жағдайда біздің балаларымыздың құлауы қалада, көп пәтерлі тұрғын үйлерде болады. Баланың терезеге көтерілуіне жол бермеу үшін жиһаздың барлық түрлерін терезелерден алыстату керек. Ешқашан шыбын-шіркейге арналған торға сенбеңіз, олар құлаудан қорғамайды. Сондай-ақ, терезелерге бекіткіштер мен торларды орнату қажет. Биыл 2 факт тіркелді, өткен жылы балалардың терезеден құлауының 8 фактісі орын алды", - деді ол.
Алматы тұрғындарына балалардың отпен ойнау себебінен болатын өрттің алдын алу шаралары туралы еске салынды:
- балаларға өрт қауіпсіздігі туралы айтып беріңіз;
- балаға қызық болу үшін, үйден біраз уақытқа алыстаңыз, оған тапсырма беріңіз, ойын тақырыбын айтыңыз, қажетті ойыншықтарды таңдаңыз;
- сіріңкелер мен оттықтар балаларға арналған ойыншық емес. Оларды балаларға қол жетімді жерлерде қалдырмаңыз;
- үйде пеш жағуды кішкентай балаларға сеніп тапсырмаңыз және жанып тұрған пешті қараусыз қалдырмаңыз;
- барлық ашық электр розеткаcын "өшіріңіз", бұл үшін кез-келген тұрмыстық дүкенде сатылатын және өте арзан болатын арнайы пластикалық түтіктерді қолданыңыз;
- электр құрылғыларын қараусыз қалдырмаңыз. Балаларды оларды дұрыс қолдануға үйретіңіз;
- өрт, апат және т. б. жағдайлардағы әрекетке үйретіңіз;
- балаңыз үйінің мекен-жайын біле ме, тексеріңіз.
Төтенше жағдайда балаларға көмекке қайда жүгіну керектігін білу маңызды. Тәулік бойы жұмыс істейтін және кез келген уақытта көмекке келуге дайын жедел қызмет нөмірлерін есте немесе ұялы телефонға сақтаңыз.
Жедел қызмет нөмірлері:
101 – өртке қарсы қызмет;
102 – Полиция;
103 – Жедел медициналық көмек;
111 – отбасы, әйелдер және балаларды қорғау мәселелері жөніндегі бірыңғай байланыс орталығы;
112 – шұғыл қоңырау.
